Бугун Функционал кўпкураш федерацияси ҳамда Миллий гвардия ҳамкорлигида, пойтахтимизнинг Мирзо Улуғбек туманидаги 221-сонли умумтаълим мактабида, 9-синф ўқувчилари иштирокида амалий машғулотлар, турли эстафеталар ташкил этилди. Беллашувлар аввалида мутахассислар томонидан ўғил-қизларга мазкур янги спорт тури ҳақида батафсил маълумотлар берилиб, хавфсизлик қоидалари, шартларни бажариш тартиблари тушунтирилди. Шундан сўнг, иштирокчилар қизғин баҳсларга киришдилар. Ўзаро дўстлик, ҳамжиҳатлик ва кўтаринки кайфиятда кечган мусобақалар давомида, ёшларнинг ушбу спорт турига бўлган қизиқишлари янада ортди. Якуний натижаларга кўра ғолиб ва совриндор бўлган жамоалар федерация ҳамда Миллий гвардия томонидан эсдалик совғалар билан тақдирландилар.